ក្រឡាប់រថយន្តដឹកកម្មករនៅក្រុងបាវិត បណ្តាលឲ្យរងរបួស៤៤នាក់, មូលហេតុរថយន្តដាច់កាឡេ

ក្រឡាប់រថយន្តដឹកកម្មករនៅក្រុងបាវិត បណ្តាលឲ្យរងរបួស៤៤នាក់, មូលហេតុរថយន្តដាច់កាឡេ
(ស្វាយរៀង)៖ រថយន្តម៉ាកកូរ៉េមួយគ្រឿង ដែលដឹកម្មករពេញ បានក្រឡាប់ បណ្តាលឲ្យរងរបួសកម្មករ៤២នាក់ និងពលរដ្ឋធ្វើដំណើរតាមផ្លូវ២នាក់ទៀត ក្នុងនោះរបួសធ្ងន់១៥នាក់ នៅព្រឹកថ្ងៃទី២៣ ខែធ្នូ ឆ្នាំ២០១៦នេះ ស្ថិតនៅលើផ្លូវជាតិលេខ១ ភូមិត្រពាំងផ្លុង សង្កាត់បាទី ក្រុងបាវិត ខេត្តស្វាយរៀង។
មន្រ្តីនគរបាលក្រុងបាវិត បានបញ្ជាក់ថា «រថយន្តម៉ាកយាន់ដាយ ផលិតនៅកូរ៉េ ចំណុះមួយតោនកន្លះ ផ្លាកលេខ ភ្នំពេញ 2J-1019 បានក្រឡាប់ខ្លួនឯងបណ្តាលឲ្យរបួស កម្មករ ៤២នាក់ មានប្រុស៤ នាក់ ក្នុងនោះធ្ងន់ ១៥ នាក់ ហើយមូលហេតុ មកពីរថយន្តដាច់កាឡេ» ។
មន្រ្តីនគរបាលបានបន្តទៀតថា ពេលរថយន្តដាច់កាឡេនោះ បានរេចង្កូតទៅប៉ះម៉ូតូ ១គ្រឿង ឌុបគ្នាពីរនាក់ប្តីប្រពន្ធបណ្តាលឲ្យរបួសស្រាលទៀត សរុបអ្នករងរបួស ៤៤នាក់។
អ្នករងរបួសទាំងអស់ត្រូវបានសមត្ថកិច្ចអន្តរាគមន៍ដឹកទៅសង្គ្រោះបន្ទាន់ទៅមន្ទីរពេទ្យភ្លាមៗផងដែរ៕

 

15590004_1313596972032866_1099547967635206775_n 15590065_1313597012032862_3798089139823715112_n 15622246_1313597045366192_3977130050217747447_n 15672677_1313602135365683_3969837821589849450_n 15672871_1313602155365681_2380332131186078576_n 15697297_1313597095366187_1373236250923013694_n

សូមរង់ចាំ ១០ វិនាទី