ចាប់មេក្លោងជួញដូរគ្រឿងញៀន ដែលលក់មួយថ្ងៃអស់២គីឡូក្រាម និងបក្សពួកម្នាក់ រឹបអូសគ្រឿងញៀនជិត ៣គីឡូក្រាម

ភ្នំពេញ ៖ កម្លាំងជំនាញនៃមន្ទីរប្រឆាំងគ្រឿងញៀន(ក១១) ដឹកនាំដោយលោកវរសេនីយ៍ឯក ស៊ី ផល្លា និង លោកវរសេនីយ៍ឯក អាំ សុជាតិ នាយករងមន្ទីរប្រឆាំងគ្រឿងញៀន និងដឹកនាំសម្របសម្រួល ដោយលោក គួជ គឹមឡុង ព្រះរាជអាជ្ញារង(ភ្នំពេញ) កាលពីថ្ងៃទី២៥-២៧ ខែមេសា ឆ្នាំ២០១៩ បានបើកកិច្ចប្រតិបត្តិការបង្ក្រាប ករណីជួញដូរគ្រឿងញៀនខុសច្បាប់ នៅ៣គោលដៅផ្សេងគ្នាជាបន្តបន្ទាប់ ។ 

សមត្ថកិច្ចឱ្យដឹងថា  -គោលដៅទី១៖ នៅវេលាម៉ោង១៨និង៣០នាទី ថ្ងៃទី២៥ ខែមេសា ឆ្នាំ២០១៩ នៅចំណុចផ្ទះជួលបន្ទប់លេខ២០៧ សង្កាត់ផ្សារដើមគរ ខណ្ឌទួលគោក លទ្ធផល៖ ឃាត់ខ្លួនជនសង្ស័យ០១នាក់ ឈ្មោះ ទូច សីហា ភេទប្រុស អាយុ៣៤ឆ្នាំ ជនជាតិខ្មែរ វត្ថុតាងចាប់យក ៖សារធាតុញៀនប្រភេទមេតំហ្វេតាមីន(ICE)  227.61g  និងជញ្ជីងថ្លឹង១គ្រឿង។

-គោលដៅទី២៖ នៅវេលាម៉ោង១៩.០០នាទី ថ្ងៃទី២៥.៤.២០១៩ នៅចំណុចផ្លូវឧកញ្ញាទេពផន (លេខ១៨២) មុខផ្សារអូរប្ញស្សី សង្កាត់អូរប្ញស្សី ខណ្ឌ៧មករា លទ្ធផល: ឃាត់ខ្លួនជនសង្ស័យ០១នាក់ ឈ្មោះតាំង ស្រុន ភេទប្រុស អាយុ៣៦ឆ្នាំ ជនជាតិខ្មែរ វត្ថុតាងចាប់យក ៖សារធាតុញៀន ប្រភេទមេតំហ្វេតាមីន (ICE) 2,014.8g  ។

-គោលដៅទី៣៖ នៅវេលាម៉ោង១៥និង១៥នាទី ថ្ងៃទី២៧ ខែមេសា ឆ្នាំ២០១៩ សមត្ថកិច្ចបានបន្តទៅឆែកឆេរលំនៅដ្ឋាន របស់ជនសង្ស័យឈ្មោះ តាំង ស្រុន នៅចំណុចផ្ទះលេខ១៣៦អឺ២ ផ្លូវសុកហុក(១០៧) សង្កាត់អូរឬស្សីទី៤ ខណ្ឌ៧មករា វត្ថុតាងចាប់យក៖ ១.សារធាតុញៀនមេតំហ្វេតាមីន(ice) 282.89g ២.ជញ្ជីងថ្លឹង១គ្រឿង ៣.សំបកកញ្ចប់(តែ) សម្រាប់ច្រកគ្រឿងញៀនចំនួន១៩កញ្ចប់ ( ច្រកគ្រឿងញៀន ចំនួន១៩គីឡូក្រាម) ដែលជនសង្ស័យ បានរំលែកលក់ឱ្យម៉ូយតែ១សប្តាហ៍ប៉ុណ្ណោះ។ ៤.សំបកថងផ្លាសស្ទិច សម្រាប់វេចខ្ចប់មួយចំនួន។ បានឃាត់ទុកទ្រព្យសម្បត្តិ៖ ផ្ទះល្វែងលេខ១៣៦អឺ២ របស់ឈ្មោះ តាំង ស្រុន ។

វត្ថុតាងបាប់យកសរុប ៖ សារធាតុញៀនប្រភេទមេតំហ្វេតាមីន (ICE) ទម្ងន់2525.30g ជញ្ជីងថ្លឹង២គ្រឿងទូរស័ព្ទដៃ៣គ្រឿងថង់វេចខ្ចប់មួយចំនួន និងឃាត់ទុកផ្ទះ១ល្វែង ៕