ព័ត៌មាន​ទាន់ហេតុការណ៍
ចិនម្នាក់ទាត់ធាក់ក្បាល​នារីបម្រេីខារ៉ាអូខេម្នាក់​ រួចបង់លុយ២០០ដុល្លារ​បញ្ចប់រឿង​>>>ទំនាស់ក្នុងគ្រួសារ , ប្រពន្ធនិងម្តាយក្មេក ជ្រុលសម្លាប់ប្ដីឬកូនប្រសារក្នុងផ្ទះ>>>ទឹកមុខស្រងូតស្រង៉ាត់២ថ្ងៃ ស្រាប់តែចងកសម្លាប់ខ្លួននឹងដើខ្នុរ>>>ឆក់ទូរស័ព្ទបានហើយ ជិះម៉ូតូរត់ភ័យស្លន់ស្លោរទៅបុកឡាន ពលរដ្ឋចាប់បានទាំង២នាក់>>>ចិន២ក្រុមជិត២០នាក់ដេញវាយគ្នាពេញផ្លូវ ព្រោះរឿងគ្រោះថ្នាក់ចរាចរ>>>មានប្រពន្ធមួយមិនគ្រប់ យប់ស្ងាត់លួចចូលក្នុងបន្ទប់ប្អូនថ្លៃ ធ្វើសកម្មភាពរំលោភមិនបានសម្រេច>>>អគ្គនាយកCMAC អំពាវនាវរួមគ្នាឈប់បរិភោគសាច់សុនខ ព្រោះសុនខមានសមត្ថភាពបម្រើមនុស្សលោក>>>រថយន្តបុកស្លាប់ហើយ ស្រាប់តែជនឆ្លៀតឱកាសលើកម៉ូតូនិងយកលុយ៥០០$របស់សាកសពយកទៅបាត់>>>ឱបកូនតូចបម្រុងលោតទឹកសម្លាប់ខ្លួន ព្រោះតូចចិត្តប្ដីក្រោយ ចោទប្រកាន់ខ្លួននៅតែទាក់ទងប្ដីមុន>>>ជំនាញឆក់និងកាច់កម៉ូតូ ! ចោរ២នាក់ឆក់ទូរស័ព្ទបានហើយ ប្រឹងជិះម៉ូតូគេច បែរទៅបុកផ្ទះពលរដ្ឋ

រថយន្តសង្គ្រោះខ្លះមិនសូវចាប់អារម្មណ៍ទេ ព្រោះអ្នករងរបួសជាជនអនាថា អត់លុយ, ជនអនាថាម្នាក់ត្រូវរថយន្តបុករងរបួសធ្ងន់ រួចស្លាប់នៅមន្ទីរពេទ្យ

( ដោយ ៖ ធ្នូជ័យ) 

ភ្នំពេញ ៖ បុរសម្នាក់ជាជនអនាថា មានសតិមិនល្អ មកដើរដេកកណ្ដាលផ្លូវ ត្រង់ស្តុប ត្រូវបានរថយន្ត២ទៅ៣គ្រឿង បើកបុកនិងកិនបណ្ដាលឲ្យរងរបួសធ្ងន់ រួចស្លាប់ពេលបញ្ជូនទៅដល់មន្ទីពេទ្យ ។ 

ហេតុការណ៍នេះ បង្កការភ្ញាក់ផ្អើលដល់អ្នកដំណើរ កាលពីវេលាម៉ោង១២និង៥០នាទី រំលងអធ្រា្រត ឈានចូលថ្ងៃពុធ ទី១៥ ខែឧសភា ឆ្នាំ២០១៩ នៅចំណុចកណ្ដាលស្តុបអុីនធឺខន់ ក្បែរស្តុបផ្សារដើមគរ ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។ 

ក្នុងហេតុការណ៍នេះ គេសង្គេតឃើញ រថយន្តសង្គ្រោះបន្ទាន់ របស់មន្ទីពេទ្យឯកជន និងមន្ទីពេទ្យរដ្ឋ ដូចជាមិនសូវយកចិត្តទុកដាក់ ក្នុងការចុះមកដឹកជនរងគ្រោះ ដើម្បីជួយសង្គ្រោះនោះឡើយ ធ្វើឲ្យប្រជាពលរដ្ឋវាយតម្លៃថា ឃើញតែអ្នកមានលុយ ឯអ្នកអត់លុយ មិនខ្វល់ ។អ្នកបើកបររថយន្ត របស់មន្ទីររដ្ឋម្នាក់ និយាយសុំមិនបញ្ចេញឈ្មោះថា រាល់ថ្ងៃធុញទ្រាន់និងពួកឡានពេទ្យឯកជន ដែលមានភាពរញ៉េរញ៉ៃ ។ភាគច្រើន យើងចេញទៅយក គឺខាតតែពេល និងសាំងប៉ុណ្ណោះ ព្រោះឡានពេទ្យឯកជនដឹកយកទៅបាត់ ។តែនៅពេលចំជនអនាថា ឬវិកលចរិតបែបនេះ គឺពួកគេមិនសូវខ្វល់ ទុកចោលបង្កទៅជាកំហុស ដល់ឡានពេទ្យរដ្ឋទៅទៀត  ។ 

បន្ទាប់ពីកើតហេតុ អស់រយៈពេលជាងកន្លះម៉ោង ទើបគេឃើញរថយន្តសង្គ្រោះបន្ទាន់ របស់មន្ទីពេទ្យឯកជនហុងហាក់ ចុះមកដឹកជនរងគ្រោះ ទៅកាន់មន្ទីរពេទ្យកាល់ម៉ែត្រ ដើម្បីជួយសង្គ្រោះអាយុជីវិត តែអកុសលជនរងគ្រោះ បានបាត់បង់ជីវិត ពេលបញ្ជូនទៅដល់មន្ទីរពេទ្យ។

សូមបញ្ជាក់ថា បច្ចុប្បន្នរថយន្តសង្គ្រោះភាគច្រើនជារថយន្តរបស់មន្ទីរពេទ្យឯកជនរង់ចាំប្រកួតប្រជែងដណ្ដើមអ្នករងរបួសប្រៀបដូចដណ្ដើមភ្ញៀវគ្នាអញ្ចឹង។អ្នករងរបួសក្នុងហេតុការណ៍ផ្សេងៗត្រូវបានពួកគេដឹងតាមប្រព័ន្ធវិទ្យុទាក់ទងស្ទង់អារម្មណ៍គិតមើលថាអ្នករងរបួសនោះមានលុយឱ្យពួកគេឬអត់? បើអត់គឺធ្វើមិនដឹងមិនលឺ,Call ក៏មិនលើកជាដើម។ 

មានរថយន្តពេទ្យឯកជនខ្លះទៀតមានច្បាប់ដឹកសាកសពប៉ុន្តែលួចចេញយកអ្នករងរបួសដើម្បីយកទៅសង្គ្រោះដើម្បីបំប៉នរកថវិកាមុខរបរពេទ្យរបស់ពួកគេ។ពួកគេមិនខ្វល់ពីសុវត្ថិភាពប្រសិទ្ធិភាពនៃការសង្គ្រោះនោះទេសំខាន់លុយៗៗ។កន្លងមកពេទ្យឯកជនមួយចំនួនដែលត្រូវក្រសួងប្រកាសដកអាជ្ញារបណ្ណព្រោះធ្វើខុសលក្ខខណ្ឌនិងវិជ្ជាជីវៈក្រមសីលធម៌ធ្ងន់ធ្ងរប៉ុន្តែម្ចាស់ពេទ្យឯកជនទាំងនោះមានល្បិចសុំអាជ្ញារបណ្ណថ្មីប្តូរទីតាំងថ្មី(ប្រើខ្នងដដែល) បង្កើតមុខរបរនេះបានដដែល៕ 

Filed in: ព័ត៌មានថ្មី, សង្គម, សន្តិសុខ

គេហទំព័រឈ្មោះ BBN-TV តាមគេហទំព័រ www.bbn-tv.com ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ០១៥ ព.ម ប្រក ចុះថ្ងៃទី១០ ខែមករា ឆ្នាំ២០១៧

© 2019 BBN-TV | ទូរទស្សន៍ អនឡាញ. All rights reserved. XHTML / CSS Valid.
error: Content is protected !!