ពេទ្យបង្អែកខេត្តតាកែវបានចេញសេចក្ដីបំភ្លឺចំពោះបុរសម្នាក់ដែលពោលថា ពេទ្យភ្លេចបង់ រុំរបួសក្នុងស្បូន

តាកែវ ៖ ក្រោយពីមានការលើកឡើង របស់ម្នាក់ចោទថា ពេទ្យបង្អែកខេត្តតាកែវ បានព្យាបាលសំអាតភរិយារបស់ខ្លួនមិនស្អាត ហើយថែមទាំងមានបង់រុំរបួសក្នុងស្បូនទៀត ទើបនៅថ្ងៃទី១៩ ខែមិថុនា ខាងគណកម្មការពេទ្យបង្អែកខេត្តតាកែវ បានបដិសេធន៍ចោលទាំងស្រុង រួចសម្ដែងនូវសោកស្ដាយយ៉ាងខ្លាំងនិងមិនអាចទទួលយកបានឡើយ។ សេចក្តីលម្អិតក្នុងលិខិតខាងក្រោម៖ 

សូមជម្រាបថា បុរសម្នាក់មានគណនេយ្យហ្វេសបុក ឈួន ឈិន បានបង្ហោះសារ នៅយប់ថ្ងៃទី១៨ ខែមិថុនា ឆ្នាំ២០១៩ថា « ពេលនេះភរិយាខ្ញុំរួចផុតពីគ្រោះថ្នាក់ហើយ ខ្លាចហើយពេទ្យផ្នែកសម្ភពនៅមន្ទីរពេទ្យបង្អែកខេត្តតាកែវ សំអាតមិនស្អាត ហើយថែមទាំងមានបង់រុំរបួសក្នុងស្បូនទៀត ពិតជាខកចិត្តខ្លាំងណាស់ ដែលសំរេចចិត្តទៅសំរាលនៅពេទ្យនោះ ខ្លាចហើយរៀងហើយ » ៕