រស់នៅរងាឯកាពេក នារីម្នាក់សម្រេចបញ្ចប់ជីវិត តែមានគេជួយទាន់

ភ្នំពេញ ៖ មានការភ្ញាល់ផ្អើលមួយកើតឡើងទាំងកណ្ដាលយប់ បន្ទាប់ពីមាននារីម្នាក់បានគិតខ្លី មកលោតទឹកសម្លាប់ខ្លួន នៅមុខវាំង តែត្រូវបងប្អូនប្រជាពលរដ្ឋជួយទាន់ រួចស្រង់យកមកលើគោកវិញ កាលពីវេលាម៉ោង១និង៥០នាទី យប់រំលងអធ្រាត្រ ឈានចូលថ្ងៃព្រហស្បតិ៍ ទី១១ ខែកក្កដា ឆ្នាំ២០១៩ នៅចំណុចមុខព្រះបរមរាជវាំង ក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ។

នារីរងគ្រោះខាងលើមានឈ្មោះ ស្រីនិច អាយុ២២ឆ្នាំ បានរៀបរាប់ថា ដោយរូបនាងពិបាកចិត្តខ្លាំងពេក ព្រោះបងស្រីនាងបង្កើតបានស្លាប់ចោល បន្សល់ទុកឲ្យរូបគាត់រស់នៅតែម្នាក់ឯង រងាឯកាកណ្ដោចកណ្ដែង គិតអ្វីមិនចេញ ទើបឈានដល់ការសំរេចបញ្ចប់ជីវិតតែម្ដង ។ ក្រោយកើតហេតុ កម្លាំងសមត្ថកិច្ចមូលដ្ឋាន បានចុះមកដល់ចំណុចកើតហេតុ បានលោងលួមកុំឲ្យនាងគិតខ្លីតទៅទៀត ពិភពលោកវែងឆ្ងាយណាស់ ហើយក៏រកកង់បីឲ្យនាងជិះត្រលប់ទៅផ្ទះវិញ ៕